عايزة تخلي الحوض الاستنلس في مطبخك بيلمع

عن تجربه
لو عايزة تخلي الحوض الاستنلس في مطبخك بيلمع وتشيلي الصفار من عليه
وكمان تخلي حمامك بيلمع وتمسحي اللون الاصفر من السيراميك بكل سهوله
وممكن كمان تغسلي الحلل السوداء وتخليها بيضه
اليكي الحل السحري
وهو ( السالفونيك) وده ممكن تشتريه من محل المنظفات وخصوصا محل الصابون وهو بيكون شكله زي العسل الاسود بالظبط وتقيل زيه كدة
ودة عبارة عن المادة المركزة اللي بيصنعو منها الصابون السائل
وانا مجرباه بصراحه بيخلي الحمام بيلمع
طريقه الاستخدام
ضعي هذا السائل علي الاحواض او السيراميك وادهني به الحوض كله واتركيه خمس دقائق او حسب الحاجه ثم اغسليه بسلك او اسفنج وهتشوفي الفرق
وممكن تغسلي بيه الحلل السوداء او تغلي الحله بملح ليمون
ملحوظه : لا تستخدمي السالفونك في تنظيف البوتاجازات الاستنلس لانها بيغير لونها وممكن يصدي
اما بقي البراد:
البراد الاستنلس او الصاج لو مجير ممكن تحطي فيه نص كوب خل ورجيه كويس ثم ادعكيه بالسلك هتلاقيه بينور
ويا رب اكون افدتكم

مشكورة جدا لهذا النتظيف

سامت يمناااااااااك وجزاك الله كل خييير