تيشز كيك سهله جدا

تيشز كيك سهلة رخيصه سريعة
انا اليوم هقدم لكم طريقة سهلة جدا من طرق كثيرة تعملي بها التشيز كيك يلا ركزي معايا و خدى المقادير


*قالب كيك جاهز و لو انك بتعملى الكيك في البيت و بينجح معاكي خلاص اعمليه
*لبن حليب نصف كوب
*8 قطع جبن كيري
*3 علبة قشطة
*1 باكو جيلاتين
*2 علبة جيلى

الطريقة

*هناخد الكيك نطلعه من القالب و نقطعه شرائح
*ناخذ الشرائح و نضعها فى صينيه و نرشها بالحليب رش خفيف
هذه هى الطبقة الاولى خليها على جنب
تعالى نعمل الطبقة الثانيه

*حطى 8 قطع الجبنه الكيري فى الخلاط طبعا بعد ما تقشريهم
*حطي عليهم مقدار القشطه كله
*خذى الجيلاتين و دوبيه في شوية ماء صغيرين مغليين و قلبيهم جيدا لغاية لما الجيلاتين يدوب خالص
*حطى الجيلاتين على اللى فى الخلاط و اضربيهم الى ان يتجانسوا
*احضري الصينية اللى فيها الكيك و افردي عليه محتويات الخلاط
*دخلي الصينيه فى الثلاجة و اتركيها تماما لغاية لما تتماسك طبقة الجبن بالقشطة و خلى بالك انك تكونى مغطيه الكيك كويس بطبقة الجبنة بحيث ميظهرش اى جزء من الكيك

الطبقة الثالثة

الجيلى العادى 2 باكو اعمليهم بالطريقة العادية بس قللي مقدار الماء اللى هتحطى للجيلي يعنى بدل 2 كوب للباكو خليه 2 كوب الاربع احسن علشان يكون اكثر تماسكا
وخلى الجيلي يبرد بره التلاجة خالص


طلعى الصينيه من الثلاجة ( لازم لازم الطبقة الثانية تكون تماسكت بشكل جيد علشان لا تتداخل الطبقات في بعض )و اسكبى الجيلي على طبقة القشطة بالجبنه بس بهدوء

اخر خطوه حطيها فى الثلاجة و خليها لغاية الجيلي ما يتماسك تماما قطعيها و قدميها و بالعافيه عليكم