الحمام وما أدراك ما الحمام

لأنه أقل مكان يأخذ حقه من أهتمام ست البيت.
لأنه أكثر مكان أستخداما من جميع أفراد الأسره.
ولأنه أكثر الأماكن التى تضع ست البيت فى حرج عندمايطلب منها الضيف الدخول للحمام
من هنا يأتى التحدى ويأتى السؤال هل البيت نظيف؟
هل أنا أقوم بواجبى تجاه بيتى من حيث النظافه على أكمل وجه؟
واليكى الخطوات...
فى آخر الأسبوع حضرتك هاتغسلى التواليت والحوض وأذا كان فى بانيوهات يتغسلوا كويس بالمنظفات وليفه خشنه ويتعقم كله والأرضيات كمان والشبابيك والأبواب وتتلمع الحوائط من فوق لتحت وكمان عايزه أقولك أن التنظيف اليومى للحمام الحوض بيتغسل كل يوم
والتواليت بيتغسل كل يوم
لو حصل الكلام اللى باقولك عليه.
الحمام فى النضافه اليوميه هاياخد منك ربع ساعه
وفى النضافه الأسبوعيه حوالى نص ساعه لأنه فى الأصل بيكون نضيف
كتير من الناس فاكره أن ستارة البانيو


ديكور ورفاهيه ملهاش لازمه طبعا ضرورى ولازمن ولابد من ستارة البانيو ومن هنا أحب أؤكد على ستاره البانيو أوعى توصل لمرحلة العفن الأسود اللى بيكون فى حواف الستاره ولتجنب ذلك لازم تتغسل بصفه دوريه وكمان الماسوره ال بتتتعلق عليها هى كمان بتتنضف يعنى تبع الحمام برضو



للمحافظه على نظافة ستارة الحمام وعدم تكون فطر أو عفن عليها
يجب عمل الآتى:-
بعد كل أستخدام للبانيو تدخلى تفردى الستاره خالص علشان كل الميه اللى فيها تنزل موش تتجمع بين الثنيات وطبعا دى موش ميه فقط ولكن بها صابون وبها رواسب الحمام من عرق وأتربه وخلافه .
يبقى هاتفردالستاره سواء كانت بداخل البانيو او بالخارج لابد من وجودها فى كل وضع فتره من الوقت
يعنى أيه؟؟؟
يعنى أفردى الستاره وهى بداخل البانيو علشان الميه المتجمعه بها تنزل فى البانيو والستاره تتهوى من هذا الجزء للداخل
بعد كده بشويه تخرجى الستاره بره البانيو وهى مفروده أيضا وبكده تكون الستاره أتهوت من جميع
الأجزاء

بعد كده يأتى التنضيف الدورى ودايما أؤكد على خامة الستاره يعنى لوتستحمل توضع فى الغساله كان بها لو موش تنفع يبقى تغسليها على أيدك بنقعها فى شويةكلور وصابون وتغسل وتشطف وتجفف جيدا
نصيحتى دايما اللى باقولها فى موضوع التنضيف حاجتين أن الفتره مابين النظافه واللى بعدها بتكون نسبيه من حد لحد فلكى التقدير أنتى تانى حاجه أنا موش باستنى لما الشىء ده يتوسخ لأ أنا بانضفه فى وقته اللى أناقيمته وهو وضميره بقى نضيف موش نضيف أنا باعمل اللى عليا

بلاعة البانيو لازم بالليل تتقفل وكل أسبوع تجيبى ملح ليمون وكربوناتوو تحطيهم فى البلاعات وعليهم ميه بتغلى تسكبيها داخل البلاعه لأن تراكمات الصابون مع رواسب جسمنا أثناء الحمام والشعر اللى بينزل فى البلاعه كل ده مناخ مناسب للحشرات وعلى الأخص الصراصير
وكمان كل أسبوع تمسحى الحمام بمانسون مركزيعنى كام نقطه بدون ميه وفوطه معصوره أوى وتوزعى هذه الكميه على بلاط الحمام كله وتشطفى الفوطه وتعيدى المسح مره أخرى علشان هو عامل زى الزيت موش يزحلق حد وطبعا لازم تكونى لابسه جوانتى هذا الأجراء تحسبا لو فى صرصار قدر يدخل يبقى هايلقى حتفه فورا وهذاالمفعول بيستمر حوالى أسبوع